LAOAG CITY – Inpakaammo ni Brgy. Chairman Glenford Paguirigan iti Brgy. 30-B ditoy siudad ti Laoag nga adda ti siyam nga aktibo a kaso ti covid-19 iti barangayda.
Kuna na a daytoy ket kalpasan a nanayunan ti pito a baro a kaso a dagitoy ket primary contacts dagiti dua nga immunan a nagpositibo.
Inbatad ni Paguirigan a dagiti nagpositibo ket agkakapamilya.
Inlawlawagna a kaaduan kadagitoy ket adda iti home quaratine idinto a maysa ti naipan iti quarantine facility ditoy siudad.
Mainaig iti daytoy, kuna ti Paguirigan a naipan iti lockwdown ti 40 a pagtaengan a bukbuklen ti 80 a pamilya iti Sitio Sta. Maria iti nasao a barangay.
Innayun na nga adda metten ti naipaay a tulong kadagitoy para iti kasapulan da iti inaldaw bayat a maipatpatungpal ti lockdown.
