LAOAG CITY – Natiliw dagiti siyam nga indibidual gapo iti iligal a panagsusugal da iti Sitio Namnama, Barangay 60-A, Caaaocan ditoy ciudad ti Laoag.
Segun iti PNP-Laoag, nagsusugal dagiti nadakamat nga indibidual iti maysa a tianggi ngem nakalibas ti agtagikua.
Nakumpiskar dagiti otoridad ti maysa a set ti baraha ken ti pusta nga umabot iti 1,590 a pisos.
Iti agdama ket nagtalinaed iti kustudiyar ti PNP-Laoag dagiti siyam nga indibidual ken sumango da iti kaso gapo iti panagsusugal malaksid laeng ti ticket a naited kadakuada gapo iti panaglabsing iti social distancing.
