LAOAG CITY – Nagballigi dagiti kameng ti Philippine National Police a nangarestar iti maysa a SK Chairman iti ciudad ti Batac a maibilang kas Top 8 Most Wanted person iti Regional Level.
Daytoy ti inbatad ni Police Lt. Col. Jerome Wangley, ti chief of police iti ciudad ti Batac.
Segun ken ni Wangkey, inarestar da ti suspek babaen ti bileg ti warrant of arrest nga inparuk-at ti Presiding Judge gapu iti kaso na a Sexual Assault ken ti panagrames.
Inbatad ti opisyal a ti kaso ti suspek a sexual assault ket narekomendaran ti 200 a ribo a pisos a pagpiyansa na idinto a kaso na a rape ket awan ti nairekomendar a piyansa na.
Inpakaammo ni Wangkey a ti kaso ket napasamak idi Enero ita a tawen.
Innayon na a napan ti biktima iti balay ti suspek ken ditoy a naggiinom da no sadinno nga apaman a nabartek dagitoy ket napasamaken ti sexual assault ken panagrames.
Mainaig iti daytoy, inbatad ni Wangkey nga awan ti panagresistir ti suspek ken inadmitir na nga adda ti nagbasolan na.
Iti agdama, nagtalinaed ti suspek iti Philippine National Police iti ciudad ti Batac.
