LAOAG CITY – Nakapasar ni SK Chairman George Cabantangan iti Brgy. 7 San Manuel iti ili ti Sarrat ti diskriminasyon iti merkado publiko iti ili ti San Nicolas iti agarup alas-dose ti aldaw idi Setyembre 10.
Kuna na nga idi nakastreken iti merkado kalpasan a nagpirma iti logbook ken isuna pay ti nangala iti bukod na a temperatura gapu ta mangmangan ti agbanbantay.
Segun kenni Cabantangan, nagdinamag nga adda ti nakastrek a taga Sarrat rason a sinapul ida dagiti dua nga emplayado a babbai iti merkado publiko iti ili ti San Nicolas
Inbatad na a saan a napintas ti pannakisarita dagiti dua nga empleyado kenkuana ken napigsa ti panagsarita da.
Nangegan na dagiti sarita da nga “apay a nakastrek ka? Nagserserkam, ket no sinno ti nangpastrek kenka ket adda ti COVID dita Sarrat, Lockdown kayo apay a nakastrek da”
Kabayatanna, sinaludsod ni Cabatangan iti nasayaata a pannakisarita kadagiti dua nga empleyado no adda ti memo a saan da nga agpastrek kadagiti taga Sarrat.
Ngem insungbat dagiti empleyado nga adda ti memo seknan iti nasao a banag.
Dimteng ti market master ken kinasarita na ni Cabatangan iti ruwar ti merkado iti nasayaat a wagas ken inulit a sinaludsod na seknan ti memo ket adda ti sungbat ti market master.
Inpeksa ni Cabantangan iti market master iti saan a napintas a pannakisarita dagiti dua nga empleyado kenkuana.
Kuna na a numan pay taga Sarrat ket nasken a makisarita da a nasayaat ken saan a mapabainan.
Inbunannag ni Cabantangan nga adda pay dagiti concern nga aglaklako kenkuana na iti pannakabugkaw na babaen kadagiti dua nga empleyado.
Kuna na a saan a nagkiddaw ti pammakawan dagiti dua nga empleyado ngem ketdi ti market master ti nagkiddaw ti pammakawan para kadakuada.
Pinalagipan na ti publiko a saan amin a taga Sarrat ken adda ti COVID-19 na.
Ni Cabantangan ti maysa kadagiti napusgan nga aggatang kadagiti kasapulan dagiti kabarangayan na kabayatan a maiparit ti panagruwar tapno malappedan ti panagwaras ti COVID-19.
Maipalagip a temporaryo a naparekepan ti Sta. Rosa Market iti ili ti Sarrat babaen ti naiparuk-at a pammilin ni Mayor Remigio Medrano idi Agosto 29.
