LAOAG CITY – Nabara ti panangawat dagiti kameng ti Sang Panlalawigan iti umuna a panagatendar ti sesyon ni SK Federated President Rafael Salvador Chua Medina.
Inbatad ni Vice Governor Angelo Marcos Barba nga addan ti im-immuna a panagsarsarita da ken ni Medina sakbay pay a napan nagatendar iti umuna a sesyon iti junta probinsyal.
Kabayatanna, inbatad ni Medina nga ado dagiti rumbeng a saganaan na iti pannakipagpaset nan iti junta probinsyal.
Inpakaammo na nga adda dagiti plano na nga idatag iti SP a para ti pagsayaatan dagiti agtutubo ditoy Ilocos Norte.
Kuna na nga addan ti pannakisarsarita na kadagiti evaluating team council ken nagduduma nga organisasyon dagiti agtutubo ditoy probinsya tapno maamoan na no ania dagiti kalikagom da.
Ni Medina ket SK President iti ciudad ti Batac ken kaanakan ni Mayor Albert Chua ken agdama a City Administrator Atty. Wendell Chua.
