LAOAG CITY – Inlawlawag ni Mr. Leonard delos Santos, mangidadaulo ti slaughter house iti ili ti San Nicolas nga agtultuloy latta ti operasyon da iti laksid nga adda dagiti nagpositibo iti covid-19 a partidor.
Segun kenni Delos Santos, dagiti mapan iti slaughter house ket dagiti nagnegatibo iti covid-19 ken mapalubusan nga agparti malaksid laeng kadagiti awan ti maipresentar na a resulta ti swab test.
Namunganay daytoy a panangilawlawag ni Delos Santos kalpasan nga adda ti dimmanon iti Bombo Radyo a reklamo ti maysa a meat vendor a maipagarop nga iparit ti kapitan ti Barangay 6 iti nasao nga ili a mapan da agpaparti.
Mainaig iti daytoy, ikarkarigatan met ti Bombo Radyo nga alaen ti reaksyon wenno komento ti kapitan.
