LAOAG CITY – Temporaryo a masuspenso iti uneg ti 120 nga aldaw ti panakaipaay ti nayon nga slot para iti Barangay Tricycle Franchise ditoy ciudad ti Laoag.
Daytoy ket kalpasan nga immanamong dagiti amin a Sang. Panlungsod Member iti kallepas a regular session iti inlungalong ni Sang. Panlungsod member James Bryan Alcid, chairman ti committee on transportation.
Segun ken Alcid, masapol a marisut dagiti problema a naidanon kenkuana, kas iti amnesty no sadinno a bassit dagiti nagparang a manggundaway iti daytoy a naikkan da ti 90 nga aldaw tapno agpila.
Ngem no awan ket ma-raffle manen tapno saan a madoble ti maipaay a franchise kadagiti agkalikagom a mangala ti franchise iti kada barangay.
Malaksid iti daytoy ket addada pay dagiti franchisee nga awan met ti motor na ken saan a maus-usar.
Innayon pay ni Alcid a ti tempraryo a pannakasuspende ket tapno marebisar pay a nasayaat ti franchise.
Kabayatanna, saan a mairaman dagiti 100 a naka-apply iti Barangay Franchise iti nagduduma a barangay.
