LAOAG CITY – Inpakaammo ni Mr. Kent Ramil, ti Information Office iti Department of Science and Technology (DOST) a manarimaan ti Small technology upgrading program ditoy probinsya.
Kuna na a daytoy ket programa para kadagiti addaan ti negosyo nangruna iti food processing, home and décor pakairamanan dagiti agim-imprenta.
Inbatad na nga addan ti dua a negosyante ti naipaan ti tulong tapno paggatang iti nagduduma nga equipments.
Inpakaammo na a dagitoy ket karaman iti 11 a target MSMEs a matulungan babaen iti nasao a programa.
Inbunannag na a dagiti nabatbati ket manarimaan ti pannakaiproseso ti dokumento ken proposals para iti budget partikular kadagiti negosyo nga adda ti pakainaigan na ii food processing agraman ti home and décor.
Immunan nga inbatad ni Ramil a kangrunaan a target ti MSMEs iti nasao a programa gapu ta dagitoy ti nakaro a naapektaran ti pandemiya gubuay ti covid-19.
