LAOAG CITY – Maysa a naidumduma nga app a maaw-awagan ti “Death Clock” ti agar-aramid ita ti tagari gapu ta kabaelanna a mapugtoan ti kaatiddog ti biag ti maysa a tao babaen ti artificial intelligence.
Iti babaen ti panangtingiting iti diyeta, ehersisio, stress ken iti panagturog, ipapaayna ti personalized a prediksion ti lifespan ti user daytoy. Ti prediksion ket basar iti datos manipud iti sumurok 1,200 a panagadal ken 53 million beta users.
Nupay kasta, uray maibilang a kontrobersial ti konsepto, daydayawen daytoy dagiti financial planner gapu iti potensialna a tumulong iti panangplano ti retirement nangruna ket tapno maliklikan a maibusan ti urnong iti panagtaeng.
Sipod idi nairubuat idi Hulio, sumurok 125 a ribu a darasen a na-download ti app, pammaneknek a maal-allukoy ti ideya ti panagpugto ti pannakatay.
Kabayatanna, uray nakabutbuteng para kadagiti dadduma ti Death Clock ket agbalbalin a pammalagip ti healthy lifestyle ken nasayaat a panagplano iti masangoanan a mabalin a saan laeng a mapaatiddog ti biag no di ket makaipaay pay ti pigsa ti pakinakem.
