LAOAG CITY – Naobserbar a naimbag ti selebrasyon ti Eid’l Adha iti muslim compound iti Brgy. 1 ditoy siudad ti Laoag.
Daytoy ti inpasingked ni Mr. Ismael Ali, presidente iti Ilocos Norte Muslim Association.
Kuna na nga 50 a porsiento laeng dagiti nagkararag idinto nga iti uneg ti pagtaengan ti nagkararagan dagiti dadduma kas iti naipatungpal a health protocols.
Segun kenni Ali, kas iti gagangay ket nagselebrar da ken nagparti da iti maysa a nuang ken 18 a kalding para kadagiti 208 a pamilya.
Naiyuswat pay ti limitado a panagpapangan da idinto a naibungon dagiti dadduma a taraon a naited kadagiti indibidual.
Inbunannag ni Ali, a nangiyuswat da ti taripnong dua nga aldaw sakbay ti Eid’l Adha, seknan iti panangsurot kadagiti protocol.
Maipalagip a mapunno ti Mosque da ken adda pay dagiti agiyan nga agkararag iti ruwar ti mosque ken adda dagiti naiyuswat nga aktibidad iti uneg ti tallo nga aldaw a selebrasyon.
Innayon ni Ali a ti kangrunaan nga inkararag da ket iti panangpukawen ti COVID-19 ken daytoy ti umuna ken maudi a panagraira na.
