LAOAG CITY – Inbalakad ti Social Security System kadagiti pensioners nga ileppas da ti Annual Confirmation Pensioner wenno ACOP compliance sakbay nga agngudo ti bulan ti Abril.
Daytoy ket tapno maliklikan ti possible a pannakaitantan iti panagawat da ti binolan a pension.
Partikular nga inbilin ti ahensia ket ti panagipasa ti kasapulan a dokumento ita a bulan dagiti retirement pensioner nga agtawen ti 80 ken agtaltalinaed iti pagilian, dagiti totally disability pensioner ken dagiti pensionado a naka-base iti sabali a pagilian.
Karaman pay iti masapul nga ag-comply dagiti survivor pensioner, kasta pay dagiti dependent children nga adda iti salinong ti guardianship.
