LAOAG CITY – Inprayoridad ti lokal a gobierno nga inlatangan ti pondo dagiti social services ngem kadagiti infrastructure projects ditoy ciudad iti 2026.
Segun kenni Vice Mayor Rey Carlos Fariñas, basar iti annual budget ti lokal a gobierno ket doble ti nailatang kadagiti social services.
Inlawlawag na a saan a prayoridad ti ciudad dagiti infrastructure projects iti sumaruno a tawen gapo ta inbaga kenkuana ti Mayor James Bryan Alcid a ti pondo para kadagiti proyekto ket makiddaw iti opisina ni Cong. Sandro Marcos.
Kunana a babaen iti daytoy ket ad-ado pay ti pakaibanagan ti pondo a sabali pay a pograma ken aktibidad.
Inbatad na nga adda pay ti agdama a linteg a mangkedkeddeng iti limitasyon iti mailatang a pondo iti imprastraktura a 20 a porsiento laeng iti annual budget.
Maipalagip nga iti kallabes nga session ti Sang. Panlungsod ket naan-anay nga inpasan ti konseho ti annual budget ti lokal a gobierno nga umabot 1.5 billion pesos.
Ummuna metten nga inbagad ni Mayor Alcid nga iprayoridad da ti social services kas iti agas tapno maiparikna ti kalikagom a maipangruna ti kasapulan dagiti residente ditoy ciudad.
