LAOAG CITY – Inpakaammo ti City Government of Laoag a ti kangrunaan nga inyalokaranda ti pundo para iti tawen 2026 ket para kadagiti social services.
Segun ken ni Mayor James Bryan Alcid, daytoy ket kas maiyannatop ti tagline ti administrasionna nga Alisto, Asenso ken Progreso.
Inbatadna a nakatutuk ti administrasionna iti pannakaipaay ti social services ken medical assistance.
Inlawlawagna a malaksid iti daytoy ket kalikagumna a matulungan dagiti babassit a negosiante.
Inyarig ti Mayor daytoy iti budget ti City Health Office a ti pundo ti agas iti naglabas a tawen ket dakdakkel iti namitlo wenno naminpat a daras ita a tawen gapu ta ti projection-da ket ti agas nga awaten ti maysa nga indibidual a para laeng koma ti makalawas ket mapagbalin a para iti makabulan.
