LAOAG CITY – Maragsakan ni Prof. Herdy Yumul, Sociologist Professor iti Mariano Marcos State University kalpasana a saanen a mandatory ti Mother Tongue-Based Multilingual Education (MTB-MLE) kadagiti umuna a tukad ti elementaria.
Daytoy ket kalpasan a nagbalin a linteg wenno kalpasan a nag-lapse into law ti Republic Act No. 12027 a ti gagaemnna ket ti saanen nga ituloy ti panagusar ti Mother Tongue kas medium of instruction manipud iti Kindergarten agingga iti Grade 3.
Nupay kasta, kinunana nga uray pay a saanen a required ti MTB-MLE ket nakadapende daytoy kadagiti pagadalan nga iyemplementar.
Segun kenni Yumol, maysa kadagiti rason no apay a naikkat ti MTB-MLE gapu iti naikari a lumaing dagiti agadadal iti science ken math gapu iti nababa a ranggo ti pagilain iti nadakamat a subject idinto a nalawag a saan nga epektibo daytoy gapu pay iti panagdardaras ti pannakaipatungpalna.
Innayonna nga imbes a makatulong daytoy ket ad-adda laeng a nakaigapuan ti pannakariro dagiti estudiante gapu iti kinakurang dagiti resources a mausar.
Innayon ni Yumol, no agusarka iti sabali a lengguahe a kas iti Ingles, saanna kayat a sawen a saanmo nga ay-ayaten ti bukod mo a lenguahe wenno iti mother tongue.
Inpaganetgetna a ti Ingles ket maibilang a global language ken makatulong kadagiti estudiante a makasursuro kadagiti asignatura a kas iti science, mathematics, ken reading comprehenssion.
