LAOAG CITY – Kinumpirmaran ni Sofia Pablo nga insardengen ni Allen Ansay ti panangay-ayuna kenkuanan
Segun ken ni Sofia marigatandan a pagsabayen ti career ken ti panag-ayatda.
Mainaig iti daytoy, nagyaman ni Sofia ken ni Allen gapo ta inruarnan ti us-usto nga estadoda.
Inbatadna a nagtulagda a saan daytoy nga iruar iti publiko gapo iti kinapersonalna daytoy a banag ngem gapo kadagiti fansda nga agsalsaludsod gapo iti saandan a makitkita dagitoy nga agkadkadua ket napilitandan nga ibaga ti ususto nga estadoda.
Kabayatanna, naglikudan met ni Sofia ti alegasion a nagsardeng ni Allen gapo iti mapatta-patta nga adda pakainaigan ni Iñigo Jose kadaytoy.
Ni Iñigo Jose ket dati a kadua ni Sofia a housemate a manarimaan ng ikonkonektarda kenkuana.
Maipalagip a nabayagen nga ayaywen ni Allen Ansay ni Sofia Pablo ngem basar iti maysa a komentona iti maysa nga online video platform idi laeng napalabas a lawas ket inkomentona nga insardengnan ti panagay-ayona ken ni Sofia idi pay laeng bulan ti Marso.
Inlawlawagna a nagbaliwen dagiti prayoridadda aglalo iti trabahoda.
