LAOAG CITY – Kalikagum ni District Engr. Glenn Miguel iti Department of Public Works and Highways – First Engineering District a mangipasdek ti solar lights ken maaspalto dagiti kalsada, kangrunaan iti paset ti Airport Road sakbay nga agretiro.
Segun kenkuana, nga inton tawen 2025, naituding a maipasdek dagiti solar lights iti Airport Road no sadinno imununan a naikkan ti solar studs dagiti dadduma a kalsada tapnu agserbi kas guide dagiti motorista.
Inpakaammona a tallo laengen a tawen ti nabati iti serbisiona sakbay nga agretiro, isu a kayatna a siguraduen a maipatungpal amin dagiti naituding a proyekto iti distritona. Maipalagip nga immununan a naikkan ti solar lights dagiti kalsada ti Pagudpud, Bangui, Burgos, Pasuquin, Bacarra, agingga ditoy siudad ti Laoag.
