LAOAG CITY – Manarimaanen ti pannaki-koordinar ti Aboitiz Renewables incorporated kadagiti nagduduma nga ahensiya ti gobierno maipanggep iti pannakaestablisar ti solar power farm ditoy ciudad ti Laoag.
Segun kenni Mr. Rolando Vergara, Vice President ti nasao a kompanya, karamanan kadagiti nakikoordinaran da ket ti Department of Environment and Vatural Resources, National Geological Monument of the Philippines, Dept of Energy ken dadduma pay nga ahensiya a masekman iti nasao a proyekto.
Ti nasao a proyekto ket manamnama a maestablisar iti Laoag sand dunes ita a tawen nga addaan ti nasurok a 100 nga ektarya a sakupen ti Brgy Talingaan ditoy ciudad.
Mainaig iti daytoy, ibilang ti Sang panlungsod ditoy ciudad a daytoy ti maibilang a maysa kadagiti kadakkelan a solar farm iti luzon a mangipaay ti 100 megawatts
Patien dagiti opisyal ditoy ciudad a daytoy ket dakkel a makatulong saan laeng a ditoy ciudad no di ket iti intero a probinsiya.
Iti baet daytoy, kalikagum ti lokal a gobierno a mapagtalinaed ti kinapintas iti nasao a lugar aglalo ket mabigbig daytoy kas national geological monument of the Philippines.
Inpanamnama met ti nasao a kompanya nga awan ti madadael gapo ta dagiti paset nga slope area ket suruten da ken saan a kasapulan a limpyaen.
