LAOAG CITY – Nagpanawagan ti Somalia iti UN refugee agency wenno UNCHR iti panagimbestigar da iti pannakatay dagiti lima a Somali kalpasan a nakuturan da iti border iti nagbaetan ti Turkey ken Greece iti nasapa a paset ita a bolan.
Iti inparuk-at nga statement ti foreign ministry ti Somalia, inbatad na a maladingitan da iti pannakatay dagiti lima a kadaraan da ken indanun da ti pannakipagladingit da iti pamilya dagiti biktima.
Immunan nga inbatad ni Turkey Interior Minister Suleyman Soylu a 12 migrants ti pinagsubli ti Greece a nangitunda met ti pannakatay da gapu iti nakaro a lamiis iti paset ti probinsya ti Edirne.
Uray ti Turkish media ken dagiti opisyal ket ak-akusaran da ti Greece a mangiyab-abog kadagiti migrants iti baybay nga asideg ti Turkey.
Nupay kasta, naiget a naglikudan ti Greece ti alegasyon kontra iti nasao a pagilyan.
