LAOAG CITY – Rinugyanen ti Constitutional Court ti South Korea ti proseso ti panagdesisyon seknan iti impeachment ni Korean President Yoon Suk-yeol, kalpasan ti desisyon ti National Assembly nga ikkaten iti pwesto.
Ti impeachment ket resulta ti kontrobersyal a panangideklarar na ti martial law, ngem inbabawi na metlaeng kalpasan laeng ti innem nga oras.
Nupay kasta, nangitunda daytoy iti dakkel a riribok, nagsardeng dagiti aktibidad a pang-diplomasya, ken dadduma pay.
Iti inpila nga impeachment resolusyon ni Jung Chung-rae, Chairman ti Legislative and Judiciary Committee ng National Assembly, addaan laeng ti Constitutional Court ti agingga iti 180 nga aldaw tapno mangipaay ti pinal a desisyon maipanggep iti impeachment.
Naamoan a no bilang maikkat ni Yoon, maiyuswat ti snap presidential election iti uneg ti 60 nga aldaw tapno agpili ti mangsukat kenkuana.
Kabayatanna, ni Prime Minister Han Duck-soo ti agtugaw paylaeng kas acting president agingga a makadesisyon ti korte.
Nagkari ti korte nga iyalisto da ti agdesisyon ngem inpasigurado da a patas ken nainkalintegan gapu ta adalen da a naimbag dagiti ebidensya.
