LAOAG CITY – Naipasa ti maysa a gakat idiay South Korea a naan-anay a mangipawil ti panagusar ti mobile phones ken smart devices kabayatan iti oras ti panagklase kadagiti pagadalan.
Ti South Korea ti kaudian a pagilian a mangipawil ti panagusar ti cellphone para kadagiti ubbing ken agtutubo kabayatan ti kaadda da iti pagadalan.
Naamoan a ti nasao a linteg nga agepekto iti sumaruno nga school year, intono Marso 2026 ket resulta ti bi-partisan effort tapno maalay-ayan ti kumarkaro nga smartphone addiction, a basar kadagit agsuksukisok ket adda ti dakes nga epekto na.
Immunan nga adda ti panagdedebate dagiti agpanpanday linteg, nagannak ken mangisursuro a ti smartphone ket makaapektar iti academic performance dagiti estudyante ken isu ti rason no apay a saan a matutukan dagiti ubbing ken agtutubo ti panagadal da.
