LAOAG CITY – Naalarma ti South Korea ken kalikagom da iti kabiitan a panawen a patalawen dagiti fighter jets ti China ken Russia.
Segun iti Joint Chiefs of Staff ti South Korea addaan ti lima ti China idinto a ti Russian military ket addaan ti innem nga aircraft ti simrek ken rumuar iti Korea Air Defense Identification Zone iti daya ken aabagatan a paset ti kabaybayan-da.
Nu pay awan ti aniaman a insagana da a panagsalungasing dagiti maseknan iti daytoy, ket insagan da latta dagiti fighter jets no inkaso ng adda ti kellaat a panagatake.
Inpakaammu met ti Chinese defence ministry a daytoy ti maika-siyam a joint strategic patrol a napasamak iti Sea of Japan wenno adaadda nga amammu nga East Sea iti South Korea.
