LAOAG CITY – Insingasing ni South Korean President Lee Jae Myung ti saritaan iti North Korea tapno pormal nga agsardengen ti nabayagen a Gubat ti Korea, kabayatan nga umun-uneg ti relasion ti Pyongyang iti Russia bayat nga ipettengna ti kasasaadna kas irreversible nuclear state.
Agtalinaed ti dua a Korea iti teknikal a gubat gapu iti 1950-53, a tinignay ti panangraut ti Amianan a Korea, no sadinno a nagpatingga iti babaen ti armistice imbes a ti katulagan ti pece treaty.
Inaramid ni Lee ti singasing iti panagbitlana iti seremonia a nangtanda iti anibersario ti pannakawayawaya ti Korea manipud iti 1910-45 a colonial ruling ti Japan.
Ti singasing ni Lee ket dimteng bayat a saan nga inakseptar ti North Korea ti umay a tinawen a US-South Korean military drills, a nangpakdaar kadagiti napigpigsa a deterrence measures.
Mainaig iti daytoy, nabiit pay met a nag-bristling ti Pyongyang gapu iti in-inut a panagbukel ti militar ti Japan iti Pacific no sadinno a nangpaputok daytoy ti dua a missile kalpasan nga inkari ti Tokyo nga ipangatona ti kabaelanna iti depensa iti babaen ti sense of urgency and crisis.
Maulit-ulit met nga indeklara ti North Korea ti bagina kas irreversible nuclear state manipud idi narpuog ti 2019 summit iti nagbaetan da Kim ken US counterpart Donald Trump idiay Hanoi gapu iti sakup ti denuclearization ken sanctions relief.
