LAOAG CITY – Saanen nga agi-serve ti instant ramyeon wenno instant noodle soup ti Korean Airline gapu ta narisgo daytoy no bilang adda ti turbulence.
Basar iti Korean Air, mangrugi inton Agosto 15, saandan a mangipaay ti instant noodles iti Economy class passengers tapno maliklikan ti burn accident no makapasarda ti turbulence. Mabuyatan dagiti pasahero ti napudot a danum manipud iti instant noodles no adda ti turbulence ti eroplano.
Naammoan a ti turbulence ket saan a regular a panaggaraw ti angin a masansan a mapaspasaran ti eroplano kabayatan nga adda iti tangatang.
Daytoy ket gapu kadagiti nagduduma a rason, karaman ti panagbalbaliw ti kapaspas ken direksion ti angin, dagiti kabambantayan wenno dadduma pay a makaabbeng ken panagduma ti temperatura ti angin.
Basar iti Korean Air, nagdoble ti kaso ti turbulence ita a 2024 maidasig idi 2019.
Kabayatanna, kas kasukat ti noodles, ti mai-serve a taraon kadagiti pasahero ket sandwiches, pizza, corn dogs ken Hot Pockets.
