LAOAG CITY – Nagbubutos ti South Korean parliament a mang-impeach iti agdama a presidente a ni Han Duck-soo, dua a lawas kalpasan a nagbubutos da a mang-impeach met laeng ken ni Presidente Yoon Suk Yeol.
Agdagup iti 192 nga agpanpanday-linteg ti nagbutos takno impeachment ni Han, dakdakkel nga amang ngem ti 151 a botos a kasapulan.
Maipalagip a ni Prime Minister Han ket temporaryo a nadutokan kas Presidente iti South Korea apaman a na-impeach ni Yoon babaen ti parlamento gapu iti inpatungpal na a martial law idi Disiembre 3, 2024.
Kabayatanna, nangisayangkat met ti protesta dagiti lawmakers manipud iti People Power Party (PPP) da Yoon ken Han kalpasan nga inwaragawag ti National Assembly speaker Woo Won-shik a 151 laeng a botos ti kasapulan tapno maipasa ti impeachment bill.
