LAOAG CITY – Inbabawi ni South Korean President Yoon Suk Yeol ti panangipatungpalna ti Martial law.
Ti nasao a panangibabawi ket kageddan ti panangipasa ti mosion ti South Korean parliament iti naisayangkat a National Assembly nga agkidkiddaw ti pannakaikkat ti nasao a Martial Law.
Inbatad ni Yoon nga agtungpal daytoy iti nasao a desision dagiti agpapanday linteg isu a dagus nga inbilinna dagiti military nga agsublin iti kampoda.
Maikkat laeng ti Martial Law babaen ti panagtataripnong ti State Council wenno gabinete.
Ita a bigat ket maiyuswat ti panag-convene ti State Council ken kasapulan ti quorum para iti panangaprobar iti nasao a resolusion.
Nagpanawagan met daytoy iti National Assembly nga isardengdan ti awan ti serserbina a tignay kas ti namin-adu a daras a panawagan ti impeachment, legislative manipulations ken budget manipulation a mangdadael iti garaw ti estado.
