LAOAG CITY – Inawagan manen ti Constitutional Court ni South Korean President Yoon Suk Yeol kalpasan a saan na nga ikankano ti immuna a summon kenkuana.
Immuna a naisyuan ni President Yoon idi napan a lawas ti summon tapno tumabuno iti Seoul Central District Prosecutors Office para iti sumagmamano a saludsod seknan iti panangipatungpal na ti martial law.
Mainaig iti daytoy, inbatad ti maysa nga opisyal ti prosecution nga inpatulod da ti summon ita nga aldaw iti opisina ni Yoon.
Maipalagip a naakusaran ni Yoon gapu iti panangabuso na iti posisyon na tapno mangideklara ti martial law nga ibilang ti korte kas unconstitutional ken unlawful agraman ti panangmandar na iti military commander nga agipatulod ti tropa iti National Assembly.
Malaksid iti daytoy ket napatawan pay ni Yoon ti travel ban.
