LAOAG CITY – Nakaruaren ni South Korean President Yoon Suk Yeol iti detention center iti Seoul kalpasan a nagdesision dagiti prosecutors a saan nga immapela kontra iti court decision a kanselaren ti arrest warrant ti impeached leader iti insurrection charges.
Nagtalinaed a nakasuspenso ni Yoon nga atawen ti 64 kadagiti responsibilidadna ken agtultuloy ti criminal ken impeachment trials gapu iti saan a nagbayag a panangipatungpalna ti martial law idi Disiembre 3 iti napalabas a tawen.
Kinanselar ti Seoul Central District Court ti arrest warrant ni Yoon idi Biernes, nadakamat ti timing ti indictment-na ken dagiti saludsod maipanggep iti legalidad ti investigation process.
Inbatad dagiti abugado ni Yoon a ti desision ti Korte, nakumpirmaran a ti pannakaibalodna ket naaddaan ti problema iti procedural ken substantive aspects ken inawaganda ti ruling a ti panangrugi ti pannakaisubli ti rule of law.
Naammoan a saan met nga insigida a nangipaay ti komento dagiti prosecutors.
Binabalaw ti main opposition Democratic Party ti desision ti prosecutors gapu iti panagbalin ti pagilian ken umili daytoy iti krisis.
Ginutigot ti Constitutional Court nga ikkaten ni Yoon iti opisina iti kabiitan a panawen.
