LAOAG CITY – Manamnama nga arestaren ti Corruption Investigation Office (CIO) ni South Korean President Yoon Suk-Yeol inton Lunes, Enero 6.
Daytoy ket kalpasan a nangipaulog ti korte ti warrant of arrest kontra iti na-impeach a Presidente apaman a nagkedked daytoy a tumabuno iti kiddaw para iti questioning ken iti maipagarup a linapdanna ti imbestigasyon ti Corruption Investigation Office seknan iti panangideklara na ti martial law idi Disiembre 3, 2024.
Imun-una ngem iti daytoy, nangipaulog ti Seoul Western District Court ti detainment warrant kontra kenni Yoon idi Disiembre 31 bayat nga addaan ti maysa a lawas ti Corruption Investigation Office para kadagiti High Ranking Officials tapno maipatungpal ti detainment.
Nupay kasta, inbatad ti Corruption Investigation Office chief a ni Oh Dong-woon a posible a maideploy ti police forces no bilang ta lapdan ti security service ni Yoon ti detention attempt.
Maipalagip nga inpetteng ti abogado ni Yoon a saan a valid ti detention warrant ti korte ken inbatadna nga awan ti legal nga otoridad ti anti-corruption agency a mangimbestigar kadagiti kaso a naipila kontra ken ni Yoon.
