LAOAG CITY – Balbaliw nga inpasa ti Sangguniang Panlungsod ti ordinansa maipanggep iti panangkiddaw ti pannakaipangato ti financial assistance para kadagiti Barangay Nutrition Scholars ditoy siudad ti Laoag.
Segun ken ni Sangguniang Panlungsod Member RJ Fariñas, daytoy ket kalpasan nga adda dagiti sumagmamano a kiniddaw ti Sangguniang Panlalawigan a mabalbaliwan kas ti saan a pannakaitantan ti pannakaipaay ti financial assistance para kadagiti Barangay Nutrition Scholars.
Inbatadna nga adda ti insubmitirda a takderda maipanggep iti daytoy pannakaisubli ti ordinansa kadakuada iti Department of the Interior and Local Government.
Kunana a nupay adda ti pannakabalbaliw ti nasao nga ordinansa ket saanna nga ibabawi ti reklamona pakaseknan iti panangisubli ti hunta probinsial ti inlungalongna nga ordinansa.
