LAOAG CITY – Inbatad ni Senate President Sherwin Gatchalian a nakitipon ni Senador Mark Villar iti Majoriy bloc tapno makatulong iti panangpatibker ti Senado ken agtultuloy a panagaramid ti linteg.
Segun ken ni Gatchalian nabayag dan nga agpagayam ken ni Villar ken masansan a pagsarsaritaanda ti direksion ti Senado, pakairamanan dagiti addang iti panag dur-as ti ekonomiya.
Inladawan pay ni Gatchalian ni Villar kas maysa nga eksperto iti negosio ken economist nga addaan master’s degree iti business economics a makatulong iti majority bloc.
Pormal nga immakar ni Villar iti mayorya idi Oktubre 8 kalpasan a madutokan kas Chairman ti Senate committee on public works ken nagbalin a miembro ti commission on appointments a kasukat ni Senate majority leader Juan Miguel Zubiri iti naudi a posision.
Gapu iti panagakar, nagbalin a 14 ti miembro ti majority bloc idinto a 10 ti adda iti mayorya.
