LAOAG CITY – Kalikagum ti Sangguniang Panlungsod a mangputar ti maysa nga ordinansa a mangipaay ti libre a medical check up para kadagiti barangay officials ditoy siudad ti Laoag.
Maipaay kadakuada ti benepisio, maysa a lawas kalpasan wenno sakbay ti panagkasangay dagiti maseknan a barangay officials.
Gagem ti mailungalong nga ordinansa ket maipasigurado ti kinatalged ti salun-at dagiti amin nga opisial ti barangay pakairamanan dagiti barangay tanod.
Napanunotan dagiti agpanpanday linteg iti nasao a gakat gapu ta dakkel ti akem dagiti barangay officials iti uneg ti barangay nangruna no adda ti sumangbay a didigra.
Naammoan a ti pundo ket manipud iti lokal a gobierno ditoy siudad ti Laoag ken maited iti Laoag City General Hospital ken City Health Office.
