LAOAG CITY – Naawaten ti Sang Panlungsod ditoy ciudad ti Laoag ti kompleto a listaan dagiti proyekto ti Department of Public Works and Highways ti 1st Engineering District manipod iti tawen 20220-2025.
Daytoy ti inpakaammo ti Sang Panlungsod secretary kabayatan ti regular session ti konseho ditoy ciudad ti Laoag.
Gapu iti daytoy, kiniddaw ni Vice Mayor Rey Carlos Fariñas a maikkan ti kopya ni Konsehal Jason Perera ken ti City Engineering Office.
Maipalagip a kwinestyunaran ni Konsehal Perera ti Department of Public Works and Highways – 1st Engineering District no apay a saan a kompleto ti listaan nga insumitir ti konseho.
Kunana a ti kinabayag ti panawen nga inur-uray da daytoy ket 2024-2025 laeng ti inpaay da idinto a ti kidkiddawen ti konsehal ket manipod 2022-2025.
Kabayatana, dagiti listaan ket aramaten ti konsehal tapno kumpirmaran no adda ti kinapudno na ti impormasyon a dimmanon kenkuana nga adda dagiti ghost project ditoy probinsiya nangruna ditoy ciduad ti Laoag.
