LAOAG CITY – Maputar iti Sangguniang Panlalawigan ti resolusyon para ti pannakasuspenso ti operasyon ti Private Motor Vehicle Inspection ditoy probinsya.
Daytoy ket babaen ti committee report ti Committee on Transportation ken Committee on Laws.
Segun ken ni ABC Pres. Elmer Faylogna, mangputarda ti Provincial Resolution a mangkiddaw itiLand Tranportation Office (LTO) ken ti Department of Transportation (DOTr) para ti pannakasuspenso ti panagaporar ti Road Worthy Motor Vehicle Inspection Center.
Kabayatanna, kuna ni SP Member Atty. Da Vinci Crisostomo, chairman ti Committee on Laws a maikiddaw ken ni Mayor Michael Marcos Keon ditoy siudad ti Laoag a mare-call ti business permit ti nasao nga inspection center.
Immuna iti daytoy, naisayangkat iti SP ti kangrunaan na ti Committee on Transportation ti public hearing nga inatendaran dagiti ameng ti LTO, nagduduma a maseknan nga indibidual a mangmanmanehar ti emission testing center ken ti Road Worthy Motor Vehicle Inspection Center.
Daytoy ket kalpasan nga adda ti timpuar nga isyu seknan ti baro a procedure ti renewal ti panagrehistro ti motor vehicle.
Kabayatanna, manamnama a matratar ti nasao a provinsional resolution iti sumaruno a sesyon ti SP.
