LAOAG CITY – Silulukat ti Speak Up Academy a programa ti Ilocos Norte Youth and Development Office para iti publiko.
Ti Speak Up Academy ket maysa kadagiti agtultuloy a programa ti Speak Up I’m Here.
Gagem daytoy a programa ti mangipaay ti aktibidad a pangilatangan ti oras dagiti indibidual nga addaan ti mental health problems.
Malaksid iti pamatay-oras, mabalin pay a maasa ti kabaelanda babaen kadagiti nagduduma nga aktibidad.
Naammoan a maidiaya ti yoga, mobile photography, calligraphy, doodle art, graphic designing ken dadduma pay.
Kabayatanna, magutgutigot dagiti indibidual nga agparehistro iti website-da wenno agturongda mismo iti nasao nga opisina tapno makarehistro iti daytoy a programa.
