LAOAG CITY – Agtultuloy ti Speak-up I’m Here Program ti gobierno probinsyal babaen iti Ilocos Norte Youth Development Office.
Segun ken ni Mr. Willie Jake Sib-at, ti Ilocos Norte Youth Development Officer, iti agdama ad-adon ti masakupan ti Adolescent Health and Development Program.
Inbatad na a malaksid iti panangtutuk da iti mental health ket nangaramid da iti dua pay a sabali a center.
Kunana a dagitoy ti “our better habits” a maysa nga “healthy lifestyle center” a nakasentro iti physical health ken ti maikatlo ket ti “always yourself first” wenno ti “adolescent sexual and reproductive health center”.
Innayon na a daytoy ket idadalan da ti training nga insayangkat ti Gender and Development Program ti rehion uno no sadinno a nailawlawag a ti “Adolescent Health and Development ket saan laeng a mainaig iti kapanpanunutan ngem masapul a karaman ti “sexual” ken “reproductive health” ken ditoy a sumrek ti Human immunodeficiency virus-Acquired immunodeficiency syndrome, “teenage pregnancy” ken dagiti nagduduma a sakit.
Inbatad ni Sib-at a ti maikatlo ket ti “our better habits” a nakasentro iti panagbalin a “physically active” kas iti panag-ehersisio.
Mainaig iti daytoy, inpakaammo na a kalikagom da ti mangisayangkat iti “information dissemination”, information caravan ken “intensive campaign” pakaseknan ti “sexual” ken reproductive health” ken “physical health” ditoy probinsya.
