LAOAG CITY – Kinumpirmaran ti lokal a gobierno ditoy ciudad ti Laoag nga Special Non-Working Day intono bigat, Hunyo 19, 2020.
Daytoy ket kalpasan ti naiparuk-at ti Presidential Proclamation No. 963 a pinirmaan ni Executive Sec. Salvador Medialdea para iti pannakaselebrar ti maika-55 a Charter Day ditoy ciudad ti Laoag.
Nailanad iti proklmasyon a bayat a maselebraran ti nasao a Chated Day ket masapol a masurot latta dagiti health protocol kas iti panagisuot ti face mask ken panangobserbar ti social distancing.
Karaman kadagiti maiyuswat intono bigat ket Awarding of the 55 heroes ken video essay contest.
Maialagip a nagbalin a ciudad ti Laoag idi 1965 babaen ti Republic Act 4584, ken naaprubaran babaen ti plebesito.
