LAOAG CITY – Nai-defer pay laeng ti resolusyon mainaig iti special permit para iti panagoperar ti galyeraan ditoy ciudad ti Laoag, nangruna ti derby iti kada biernes iti bulan ti Abril.
Segun ken ni Sang. Panlungsod member Derrick Lao, chaiman ti committee on games and ammusement a ti rason ket gapu ta ti benepisiaryo ti nadakamat a franchisee iti galyera ket isu lang nga isu iti napalabas, no sadinno a dagitoy ket ti Alternative Learning System ken dagiti estudyante nga addaan ti rangkap iti AP Santos School.
Segun ken Lao, masapol kuma met a maiwaras dagiti benepisio a saan laeng a maymaysa.
Kabayatanna, manamnama ti pannakatratar ti nadakamat a resolusyon inton sumaruno a lawas.
Maipalagip a ti nasao a galyera ditoy ciudad ket temporaryo a nagsardeng nga agoperar gapu kadagiti naduktalan ti Sang. Panlungsod, partikular ni Sang. Panlungsod Member Atty. Jason Perera, no sadinno a saan a nabaybayadan, agingga a nakapagdesisyon ti franchisee iti nadakamat a galyera nga urnosen dagiti dokumento a masapol nangruna ti pannaka-rehistro dagiti amin nga empleado nga idi kuma Marso 10 ket isu ti panag-resume ti operasyon ti galyeraan ngem segun ken ni Engr. Bong Taylan ket saan pay ken mannarimaan pay laeng ti proseso dagiti masapol a dokumento.
Mainaig iti daytoy, ket manamnama nga agsubli ti operasyon ti galyeraan inton Marso 17, 2024.
