LAOAG CITY – Inbatad ni Mrs. Rechiel Nalupta, mangisursuro iti Special Education Program (SPED) iti City of Batac National High School iti ciudad ti Batac a saan da a maapektaran iti pannakaikkat ti pondo para iti nasao a programa iti sumaruno a tawen.
Inlawlawag na nga iti City of Batac National High School ket adda ti inlatang na a 90 ribo a pisos para iti nasao a programa iti kada school year.
Kuna na nga adda ti procurement plan daytoy nga isu ti mapan da ited iti opisina da.
Segun ken ni Nalupta, ti nasao a kantidad ket maigatang ti learning materials ken dadduma pay a kasapulan dagiti estudyante da nga addaan ti rangkap iti bagi.
