LAOAG CITY – Awawisen ni Sangguniang Panlungsod Member Bryan Alcid dagiti kakaduana a konsehal a mapanda kitaen ti pangipasdekan ti Aboitiz Group ti Solar Farm nga addaan ti 114 hectres ti kalawana iti Brgy. Talingaan ditoy siudad ti Laoag.
Daytoy ket kalpasan nga adda ti maipalpalapayag nga impormasion nga ipatagda ti Sand Dunes banag a saan kayat ti kaaduan.
Nupay kasta, kinuna ni Vice Mayor Rey Carlos Fariñas a kasapulan ti ocular inspection nga ummuna sakbay a mapalubusan dagitoy ken suretenda ti inisial a napagtutuludan a saan a madadael ti Sand Dunes.
Kabayatanna, kinuna ti bise mayor a masapul nga adalen ti naununeg ti nadakamat a banag tapnu saan nga agbalin a controversial ditoy ciudad.
