LAOAG CITY –Kinupirmaran ni Sangguniang Panlungsod Member Jayson Perrera a ti nag-viral a maysa a lalaki a nagpaputok ti paltog ti maysa a resto-bar ket dati a barangay official ditoy siudad ti Laoag.
Segun iti konsehal nga umno ti dinakamat ti Bise Mayor a masapul ti naig-iget a pannakaipawil ti panakaiserrek ti paltog kadagiti bar gapu ta daytoy ket mabalin a mangitunda ti risgo kadagiti indibidual nga adda ti nasao a lugar agalalo nu saanna a kabaelan ti agiggem ken saanna a kaya a kontrolen ti emosion na.
Maalarma ti konsehal gapu ta iti baet ti kaadda dagiti security guard ket nakaiserrek latta ti nasao nga indibidual ti paltog.
Kunana nga arigna ket napasamaken ti kabutengna aglalo ta addan ti immunan a nakairamanan na nga isiyu ti nasao a nag-viral.
Innayonna a saan da a rumbeng a palabsen daytoy gapo ti agtultuloy a panangitandudo ti siudad ti linak ken talna.
Kabayatanna, iti panagkalap ti Bombo Radyo Laoag kadagiti impormasion, naduktalan a ti madakdakamat a dati nga opisial ket ni Ex-Brgy Chairman Dn Toledanes iti Barangay 2 Santa Joaquina ditoy siudad.
Mainaig iti daytoy, ikarkarigatan ti bombo radyo nga alaen ti sungbat ti maseknan mainaig iti daytoy ngem agpapan ita a gundaway ket awan pay ti sungbat ti kampo ni Toledanes.
