LAOAG CITY – Inbatad ni Sangguniang Panlungsod Member John Michael Fariñas, chairman ti Committee on Education a manamnama a manayonan ti Teen center ditoy siudad ti Laoag.
Segun kenkuana, inpakaammo ni Dr. Joan Corpuz nga adda ti maangay division meeting no sadinno a mapagsasaritaanda ti nasao a banag ita a huebes.
Innayonna a ti manglaplapped ti ad-ado pay a teen center ket pannakakita kadagiti availble a classrom a pakaipanna.
Mainaig iti daytoy, ti teen center ket ditoy a maiyuswat dagiti councelling nangruna kadagiti agadadal a makapaspasar ti mental health problems.
Kabayatanna, ti makitkita a posible pannakaipasdekan ti maika-tallo a teen center ket idiay Brgy. Caoacan ditoy siudad.
Maipalgip nga immunan naipasdek ken nalukatan ti dua a teen center iti Brgy. Gabaldon ken Ilocos Norte College of Arts and Trades no sadinno a naiwayat ti innaguration idi laeng kalman.
