LAOAG CITY – Saan nga umanamong ni konsehal Juan Conrado Respicio ditoy siudad ti Laoag iti pannakaipabaklay iti Brgy. 16 ti pannakamentenar ti Comfort room nga adda iti ruar ti merkado publiko ditoy siudad.
Kuna na a nakailanad iti local government code a masapol a ti local a gobierno ti manipaay ti serbisyo iti publiko pakairamanan ti hygiene.
Inbatad na a nasken laeng a ti siudad ti mangmentanar daytoy ta amangan no adda ti agbalin a negatibo ti publiko gapu laeng iti saan a panagbalin nga operational ti nasao a comfort room.
Nu pay kasta, inpetteng ni konsehal Jason Perera a ti comfort room ket awan iti uneg ti merkado publiko ken naidesenyo para iti night market.
Inbatad na a dagiti barangay officials ket katulungan ti lokal a gobierno rason a mabalin a ti Brgy. 16 ti mangmentenar ti comfort room.
