LAOAG CITY – Kinondenar ni Sangguniang Panlungsod Member Handy Lao ditoy siudad ti Laoag ni Sangguniang Panlungsod Secretary Alan Agustin gapu iti saan nga umno ti inpanna iti surat a naipatulod iti Laoag City Public Market and Commercial Complex.
Segun kenkuana, rumrummuar iti surat nga isuna ti nangidasar maipanggep iti kurang a pag-parkingan iti merkado publiko.
Kinunana a basar iti simple a panagkamali ket mangitunda ti daytoy iti saan a panagkikinaawatan.
Inlawlawagna a ti laeng indasarna ket maipanggep iti bagsakan center no sadinno no mabalin a maiyakar daytoy iti baba ti rangtay manipud iti central terminal gapu ta asasideg iti merkado publiko.
Kabayatanna, iti biang ni Vice Mayor Carlo Fariñas, inpakaammona a masukatan ti surat a maipatulod iti merkado publiko.
