LAOAG CITY – Naawaten ti SP ti sungbat ni Pagudpud SBM Reynald Garvida iti inpila ni Engr Orlando Perez a motion for preventive suspension kontra iti nadakamat a konsehal.
Ni Garvida ket sumagsango iti kaso administratibo nga agbuse of authority, grave misconduct in the office ken conduct of unbecoming a public official nga inpila ti complainant a ni Perez.
Manamnama nga adalen nga imuna ti SP nangruna ti Committee on Laws ti sungbat ti konsehal no nasken a mapatgab ti motion for preventive suspension kontra kenni Garvida.
Ti nasao a mosyon ket nakiddaw tapno saan a maimpluwesyaan ken saan a mausar ti panagbalin nga opisyal ti respondent para ti panangidatag kadagiti testigo ken ebidensya ti respondent.
Immanamong ti partido da Perez ken Garvida nga adda ti maisayangkat a pormal nga imbeatigasyon seknan ti kaso administratibo a sangsangoen ni Garvida.
Maipalagip a namunganay ti nadakamat a kaso administratibo gapu iti maipagarup a pannakibiang ti konsehal iti affair ti barangay agsipod ta ti asawana ket ni Brgy Chairwoman Lovella Garvida iti Brgy Caparispisan, Pagudpud.
