LAOAG CITY – Sinentansyaan ti High Court iti Sri Lanka iti 200 agingga iti 250 a tawen a pannakaibalud dagiti 15 a lallaki nga addaan ti 23,000 offences gapu iti panangipatungpal da ti 2019 Easter Sunday bomb attacks a nakatayan ti 270 a tattao a kaadoan ket ubbing ken nakasugatan ti nasurok a 500 a sabsabali pay.
Karaman kadagiti napaneknekan a guilty iti kaso ket ni Naufer Moulavi, a naitudo a masterminded iti suicide bombings idinto nga adda met ti siyam nga indibidual a na-acquit.
Maipalagip a dagiti naggigiddan a panagbettak iti tallo a simbaan ken tallo a luxury hotels ket isu ti maibilang kas “deadliest” nga insidente iti Sri Lanka sipud nagleppas ti civil war idi 2009.
Umabot iti 45 a gangannaet dagiti karaman a pimmusay idi nakaro a panagbettak.
Malaksid iti pannakaibalud dagiti suspek ket inbilin pay ti korte it ciudad ti Colombo ti pannakakumpiskar amin a movable ken immovable assets da.
