LAOAG CITY – Masapol nga adalen a naimbag ti Department of Agriculture (DA) ti plano da a mangipataw ti Suggested Retail Price (SRP) dagiti sumagmamano a lames wenno ikan.
Daytoy ti inbatad ni Mr. Arthur Valente, ti Fishery Regulatory Coordinator iti Provincial Agriculture Office.
Kuna na a masapol nga adalen a naimbag dagiti maseknan ti cost of production tapno saan a malugi dagiti mangngalap ken naragsak met dagiti consumers.
Karaman kadagiti plano a patawan ti DA iti SRP ket ti bangus, tilapiya ken galonggong.
Mamati ni Valente a dagitoy ti napili ti DA a patawan ti SRP gapu ta isu ti kangrunaan nga ikan ken kalkalikagoman dagiti aggatang.
