LAOAG CITY – Inpakaammo ni Mr. Richard Raralio, ti Social Security System (SSS) branch manager ditoy siudad ti Laoag nga agtultuloy ti pannakaiproseso kadagiti aplikasyon ti sickness benefit.
Daytoy ket partikular kadagit naapektaran ti covid-19.
Segun ken ni Raralio, manipod idi Hunyo ket naruay dagiti agipila ti sickness benefit addaan man ti employer wenno self-employed.
Immuna iti daytoy, inlawlawag na a dagiti empleado ket masapol nga agfill-out ti sickness notification karaman ti resulta ti rt-pcr result wenno antigen result kasta pay ti record of confinement nu dimmalan ti quarantine iti nasursurok ngem 14 nga aldaw.
Mainaig iti daytoy, kuna na a dagiti inbidual members kas iti self-employed ken OFWs ket masapol nga agfill-out ti sickness benefit apllication pakairamanan dagiti dokumento a mangpaneknek a nagpositibo iti covid-19.
Inpakaammo na a dagiti porma ti aplikasyon ket maibuson laeng iti drop box iti mismo nga opisina ti SSS ken maiproseso iti dua agingga tallo nga aldaw sakbay a mapakaammo dagiti nagipila ti nasao a benepisyo.
Kabayatanna, inbatad ni Raralio nga agdepende ti kabayag ti proseso ti aplikasyon dagiti empleado iti panangisumitir ti eployer iti application of sickness reimbursement ken kalpasan ti lima nga aldaw ket sumrek iti employer ti benefit.
Innayun na a dagiti met indibidual members ket dagus a maipan iti disbursement account ti sickness benefit apaman a malpas ti proseso ti aplikasyon dagitoy.
Mainaig iti daytoy, kuna ni Raralio a mabalin nga agplikar babaen iti online wenno iti mismo nga e-center ti SSS office.
