LAOAG CITY – Inpakaammo ni Mr. Chris Andrew Rillorta, ti communication officer iti SSS Region 1 nga adda ti dua a programa ti nasao nga opisina a mangited ti tulong kadagiti miembro.
Kuna na nga umuna ditoy ket ti flexible payment schedule kadagiti miembro ti SSS a self-employed, kangrunaan dagiti informal settler sector, mangngalap ken mannalon.
Inbatad na a babaen iti nasao a programa ket mabalin nga agbayad dagiti miembro ti kontribusyon iti napalabas a 12 a bulan manipod iti quarterly a panagbayad.
Inpakaammo na a maikadua iti programa ket ti Contribution Subsidy Provider a ken para kadagiti marigatan nga agbayad ti kontribusyon.
Inlawlawag na a babaen iti daytoy ket mismo a ti SSS ti mangbirok iti pribado nga indibidual a mangbayad ti innem a bulan a kontribusyon dagiti self-employed a miembro.
Kabayatanna, inbatad ni Rillorta a manarimaan pay laeng ti pannakaipinal dagiti kasapulan a requirements ken dadduma a guidelines a masurot.
Immunan nga inpakaammo ti communication officer a kaaduan kadagiti self-empoyed members iti Rehiyon 1 ket kaaduan dagiti mangngalap ken mannalon.
Mainaig iti daytoy, kuna ni Rillorta a manamnama a mangrugi dagiti nadakamat a programa iti maikadua a lawas ita a bulan.
