LAOAG CITY – Inlawlawag ni Mr. Richard Rarallo iti Social Security System (SSS) ditoy Ilocos Norte no kasano a magundawayan ti sickness benefit wenno maala dagiti miembro a nagpositibo iti covid-19.
Segun kenkuana, ti laeng masapol nga ipakita ket ti resulta ti RT-PCR test wenno antigen test, medical certificate ken sertipikasyon manipud iti isolation facility.
Kunana a para kadagiti empleado, ipila laeng ti employer dagiti kasapulan ngem ti notification ket nasken a maisubmitir a mismo iti opisina ti SSS, mabalin pay a maidownload ti application form iti www.sss.gov.ph wenno agturong iti opsina ti ahensya, ken mabalin a mangipatulod ti email iti laoag@sss.gov.ph.
Para met kadagiti self-emloyed wenno voluntary OFW members, isubmitir laeng babaen iti online ti sinckness benefit application ken kasapulan a dokumento ken kalpasan ti dua agingga iti tallo a lawas ket mabayaden dagitoy.
Inbatad na a ti maawat ti maysa a benipisyaryo ket agdepende iti bilang ti aldaw nga inaprubaran ti doctor ken ti laeng aramiden ti ahensya ket re-evaluation.
Innayon na a 90 a porsiento iti average daily salary ken mai-multiply iti bilang ti aldaw ket isu ti maawat ti kwalipikado.
