LAOAG CITY – Arigna awan ti nagbaliwan ti bilang dagiti nagturong kadagiti opisina ti SSS ditoy rehiyon uno iti pannakaipan na iti babaen ti alert level 1 status.
Daytoy ti inbatad ni Mr. Andrew Rillorta, ti Regional Communications Officer iti SSS North Luzon 1 Division.
Segun kenni Rillorta, no iti dadduma a lugar kangrunaan na iti National Capital Region (NCR) ket bigla a ngimmato ti bilang dagiti nagturong iti opisina ti SSS, ditoy rehiyon uno ket gagangay laeng ti kaado na.
Maragsakan ni Rillorta gapu ta iti baet a naipababan iti alert level 1 ket sigurado latta a nasurot ken masursurot ti social distancing kadagiti branch da iti intero a rehiyon uno.
Innayon na a mabalin a dagiti napan nakipila a parparbangon iti branch ti SSS kadagiti dadduma a lugar ditoy pagilyan kangrunaan na iti NCR ket saanda nga ammo ti maipapan iti online transaksyon nga ipatpatungpal ti nasao nga opisina.
